Shtabi i Përgjithshëm i Ushtrisë iraniane shpalli rezultatet paraprake të hetimit për aksidentin ku humbi jetën presidenti i Iranit, Ebrahim Raisi gjatë rrëzimit të helikopterit.
– Në trupin e helikopterit të rënë nuk u zbuluan gjurmë raketash. Helikopteri mori flakë kur goditi kodrat duke rritur lartësinë e tij – thuhet në deklaratë.
Gjithashtu thuhet se helikopteri ka ndjekur rrugën e planifikuar dhe nuk ka ndryshuar drejtim, si dhe se piloti ka qenë në kontakt me dy helikopterët e tjerë shoqërues një minutë e gjysmë para rrëzimit.
Për shkak të mjegullës, zonës së pakalueshme ku ndodhi aksidenti dhe temperaturave të ulëta, operacioni i shpëtimit zgjati gjithë natën, ndërsa vendi ku ra helikopteri u zbulua vetëm në mëngjes me ndihmën e dronëve iranianë.
Gjatë bisedës me dispeçerët, ekuipazhi i helikopterit nuk ka vënë re asgjë të dyshimtë.
Raisi dhe ministri i jashtëm iranian Hossein Amir Abdollahian dhe zyrtarë të tjerë u vranë kur helikopteri u rrëzua më 19 maj në Iranin veriperëndimor. Dy truproja, dy pilotë dhe një anëtar i ekuipazhit vdiqën gjithashtu në aksident, sipas Irna.
Presidenti iranian u varros sot më herët në qytetin e tij të lindjes, Mashhad.
