Një 34-vjeçar ka humbur jetën, pasi që nuk iu mbijetoi plagëve që i shkaktoi vetës me armë zjarri. I njëjti, për shkak të plagëve të marra në gjendje të rëndë shëndetësore është dërguar në Spitalin e Përgjithshëm në Gjakovë, por më pas ka ndërruar jetë në QKUK.
Zëdhënësi i Policisë së Kosovës për rajonin e Gjakovës, Sheremet Elezi, për RTKLive ka bërë të ditur se rreth orës 12:50 janë njoftuar se viktima ka ndërruar jetë.
“Sot rreth orës 10:10 kemi pranuar informatë se një person mashkull i lindur në vitin 1990 është dërguar në gjendje të rëndë shëndetësore në Spitalin e Përgjithshme në Gjakovë e më vonë në QKUK për trajtim mjekësor, (dyshohet për shkak të plagës së shkaktuar nga armë zjarri). Njësitet e nevojshme policore menjëherë ju kanë përgjigjur rastit ku është gjetur dhe sekuestruar një armë zjarri. Fillimisht, në konsultim me prokurorin e shtetit, veprimet hetimore janë ndërmarrë në drejtim të veprës “vetëvrasje në tentativë”. Rreth orës 12:50, nga QKUK jemi njoftuar se viktima ka ndërruar jetë”, ka thënë Elezaj. /Kosovatimes/
