Kryetari i Lidhjes Demokratike të Kosovës, Lumir Abdixhiku, ka njoftuar se ka nënshkruar marrëveshjen e bashkëpunimit parazgjedhor me PShDK-në.
Abdixhiku tha se frytet e një bashkëpunimi të tillë lidhen me gjitha arritjet historike të popullit të Kosovës, për këto tri dekada e gjysmë.
“Sot së bashku me bashkëpunëtorët e LDK-së e nënshkruam marrëveshjen e garimit të përbashkët mes LDK-së dhe PSHDK-së në garën e ardhshme për zgjedhje parlamentare në Republikën e Kosovës. Ndjehemi të gjithë mirë, sepse është një ditë e veçantë për LDK-në, por edhe për bashkimin e madh të spektrit të djathtë brenda listës zgjedhore së LDK-së. Për bashkim është natyror, është autokton, origjinal i LDK-së, është një bashkëpunim i zgjatur për 34 vitet e kaluara dhe frytet e një bashkëpunim të tillë lidhen me gjitha arritjet historike të popullit të Kosovës për këto tre dekada e gjysmë”, tha Abdixhiku.
Duhet përkujtuar që së fundi shpesh herë është përmendur mundësia e mbajtjes së zgjedhjeve të parakohshme. Siç duket pikërisht në këtë periudhë, Abdixhiku ka vendosur që të “përforcojë” LDK-në për zgjedhje. /Kosovatimes/
