Analisti politik, Fitim Mulolli, tha se Kosova është pjesë e Komisionit të Venecias dhe për këtë ka të drejtë të dërgoj dokumente atje për të kërkuar mendim për dokumente.
“Procedura për dërgim të një dokumenti në Komisionin e Venecias, kryesisht ligjor është mjaft i qartë, Republika e Kosova duke qenë pjesë e Komisionit të Venecias për disa vite ka të drejtë të dërgojë dokumente atje, ku ai Komision ka mandatin të bëj vlerësimin e përputhshmërisë së shteteve anëtare me standardet ndërkombëtare dhe respektim të të drejtave të njeriut”, tha ai në emisionin ‘Lajmet e Fundit”, në RTK.
Sipas tij, do të ishte ndihmesë për qeverinë e Kosovës. Ai tha se Qeveria mund kërkojë mendim nga Komisioni i Venecias rreth draftstatutin evropian.
Ndryshe kryeministri i Kosovës, Albin Kurt i tha emisarit evropian për dialog, Miroslav Lajçak, që draftstatutin evropian ta përcjellë në Komisionin e Venecias.
Kurse zëdhënësi i BE-së Peter Stano porositi se BE-ja si dhe shtete e Quintit e kanë bërë shumë të qartë qëndrimin dhe pritjet e tyre për hapin e ardhshëm që Kosova duhet të ndërmarrë në procesin e zbatimit të dy Marrëveshjeve të Brukselit në lidhje me themelimin e Asociacionit të Komunave me shumicë serbe. Kjo sipas tij, nënkupton dorëzimin e Draft Statutit Evropian në Gjykatën Kushtetuese për vlerësimin e kushtetutshmërisë si dhe për Gjykatën Kushtetuese ta shpallë kërkesën e pranueshme.
