Çerekfinalet si sukses për kosovarët

Prej 5-9 Qershor, në Albena të Bullgarisë është mbajtur Kampionati Ballkanik për grup-moshat U13, U15 dhe U21.

Përfaqësuesja e Kosovës ka marrë pjesë në këtë garë me të gjitha kategoritë. Renditja në mesin e tetë më të mirave ka qenë arritja më e lartë e ekipeve tona përfaqësuese U13 për femra dhe meshkuj, si dhe një çifti të përzier.

Renditja finale – U13-vajzat     U13 Djem

Ekipi i femrave U19 në ndeshjet për renditje në vendet 8-10, ka shënuar fitore ndaj Shqipërisë dhe Malit të Zi dhe është renditur e teta. Ndërkaq ekipi i djemve në ndeshjet për vendet 9-11 e  ka mundur Moldavinë me 3:2 dhe ka humbur nga Maqedonia e Veriut 2:3, duke përfunduar kështu e fundit në grup.

Në konkurrencën individuale, Lene Osmani ka arritur ta kalojë grupin me fitoren ndaj Ana Kokoneshit të Shqipërisë, por është eliminuar me 4:2 në seta nga boshnjakja Subashiq, në xhiron e parë të fazës së eliminimeve. Një fitore në grup e ka shënuar edhe Taibe Ruli, por nuk ka qenë e mjaftueshme për ta kaluar grupin. Po ashtu Blend Hajdari ka arritur një fitore në grup, ndaj Klejdi Kalajas së Shqipërisë, por është eliminuar nga bullgari Dimitrov me 4:2 në seta. Në konkurrencën e çifteve të përziera, Ajola Behluli dhe Amant Sejdiu kanë kaluar në çerekfinale, por janë mundur nga çifti rumun Istrate/Nagy.

Në përgjithësi një paraqitje modeste e ekipeve tona, me ca shenja të ngritjes, por ende larg dëshirave për tu afruar te podiumi.