Disa nga ngjarjet e parapara të zhvillohen sot.
Grupi për Studime Juridike dhe Politike organizon tryezën e rrumbullakët për të diskutuar të gjeturat e tri proceseve PETS në Komunat e Kosovës. (Hotel “Sirius” Prishtinë, ora 09:30)
Mbahet takimi i Këshillit Prokurorial të Kosovës (KPK). (Salla e takimeve, kati 6, objekti i Këshillit Prokurorial të Kosovës, Prishtinë, nga ora 10:00)
Unioni i Turizmit të Kosovës shënon katër vjetorin e themelimit. (Hotel “Emerald” Prishtinë, ora 11:00)
Komisioni për Mjedis shqyrton Projektligjin për rrugët. (Kuvendi i Kosovës, salla N-302, ora 13:00)
Përurohet shtatorja e Leotrim Ahmetit. (Skenderaj, ora 13:30)
Komuna e Podujevës do ta emërtojë një rrugë në qytet me emrin e ish-eurodeputetes, Doris Pack. Marrin pjesë kryetari i Komunës së Podujevës, Shpejtim Bulliqi dhe ish-eurodeputetja, Doris Pack. (Nga kryqëzimi i rrugës “Agron Rrahmani” dhe “Ali Ajeti” deri te kryqëzimi me rrugën “Bedri Bajrami” dhe “Fahri Fazliu”, ora 14:00)
Mbahet mbledhje komemorative kushtuar Sylë Tahirsylajt. (Hotel “Grand” Prishtinë, ora 14:00)
Ambasadorja e Izraelit në Prishtinë, Tamar Ziv, organizon pritje për Ditën e Pavarësisë së Izraelit dhe marrëveshjen për heqjen e vizave për shtetasit kosovarë. (Hotel “Emerald” Prishtinë, ora 18:00)
