Profesori izraelit nga Universiteti Halifa, Yehuda Hamovitz, i cili po qëndron në Kosovë me qëllim të thellimit të bashkëpunimit ndërmjet dy shteteve, Kosovës e Izraelit i ftuar në “Info Plus” të RTK-së tha se qëllimi i vizitës është bashkëpunimi mes kompanive e subjekteve me këto vendore.
Ai tha se kanë për qellim hartimin disa projekteve të përbashkëta, ndërlidhja mes universiteteve Izrael-Kosovë, e njëkohësisht, sipas tij, duan të punojë së bashku.
“Ne duam të punojmë së bashku sepse kemi të njëjtat vlera se si e shohim botën dhe zhvillimin dhe po shpresoj që është në dobi të dy vendeve tona”, tha Yehuda Hamovitz.
Duke folur rreth bashkëpunimit mes universiteteve të Kosovës dhe atyre izraelite, Yehuda Hamovitz tha se gjatë vizitës së fundit kanë nënshkruan një memorandum mirëkuptimi mes Universitetit të Prishtinës dhe Universitetit Halifa për shkëmbim të profesorëve e studenteve dhe se është në fillim të zbatimit.
“Mu për këtë arsye jam këtu që të takoj dekanët e fakulteteve dhe profesorët që ta promovojmë këtë gjë, të flasim për titujt dhe diplomat e përbashkëta”, tha Yehuda Hamovitz në RTK.
Gjithashtu, ai tha se në kuadër të kësaj marrëveshje studentët e Kosovës dhe izraelit madje edhe të Shqipërisë të studiojnë së bashku.
