Instituti Hidrometeorologjik i Kosovës ka bërë të ditur se për sot parashihet të mbajë mot me diell dhe vranësira të nivelit të mesëm të Troposferës, të cilat vende -vende mund të sjellin riga shiu.
Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 27-35gradë Celsius.
Sipas Institutit Hidrometeorologjik i Kosovës, do të fryjë erë nga drejtime i juglindjes me shpejtësi 1-4m/s.
Institutit Hidrometeorologjik i Kosovës ka njoftuar se sot zyrtarisht hyjmë në stinën e verës astronomike.
Kjo do të thotë se temperaturat maksimale do të arrijnë kulmin 35 deri 36 gradë celsius. Sipas njoftimit të këtij Instituti, këto temperatura mund të jenë të rrezikshme për një pjesë të madhe të popullatës, sidomos për fëmijë dhe të moshuarit.
Prandaj, për shkak të temperaturave ekstreme të larta, Instituti propozon që në shumë institucione, sidomos në shkolla ku dihet se nuk kanë kondicionerë dhe jo mjaftueshëm ujë për pije, orët e mësimit të shkurtohen nga 45 minuta sa janë tani, në 30 minuta.
