Fadil Kajtazi ekspert për siguri ka reaguar ndaj Nafi Çegrani dhe Fatmir Sheholli i cili në një emision kanë emërtuar spiunët e UDB-së.
Pasi Çegrani dhe Sheholli etiketuan elitën intelektuale të Kosovës si “Bashkëpunëtorë” të UDB, Kajtazi publikoi një dokument, i cili siç tha ai, “dëshmon propagandën dashakeqe të këtyre dy pjesëtarëve të analitikes së SDB. Po ju përkujtojmë se Analitika ka qenë sektori ku është dashtë të punojnë me të besuarit (odani) dhe më të dëshmuarit e çështjes serbe – jugosllave”.
Ai në një postim në profin e tij në facebook, ka paraqitur një dokument për këtë.
Postimi i plotë:
“Dokumenti ka pjesën e parë, për të vërtetuar vërtetësinë; me të zeza janë fshehur pjesët që e identifikojnë burimin, kurse në faqen e dytë (të katërtën në dokumentin origjinal) është pjesa ku e demanton Çegranin për përfshirjen e Ibrahim Kelmendit në vrasjen e vëllezërve Gërvalla dhe Kadri Zekës. Në dokument SDB, shpreh kënaqësinë që shqiptarët po dyshojnë në Kelmendin dhe porositë që kjo “të shfrytëzohet për thellimin e përçarjes dhe mosbesimit në mes të shqiptarëve, posaçërisht kundër Ibrahim Kelmendit”.
Praktika e të gjitha shërbimeve inteligjente, veçanërisht e SDB, ka qenë në “Bashkëpunëtorët” (spiunë) të mbrohen më çdo kusht nga dekonspirimi. Me rregulloret në fuqi, ata që kanë dekonspiruar me qëllim bashkëpunëtorin janë dënuar për tradhti, kurse ata që e kanë bërë nga pakujdesia profesionali, gjithashtu janë ndëshkuar me ndëshkime të rënda. Në rastin konkret, SDB nuk do ta gëzonte fakti që Kelmendi ka fituar epitetin e spiunit.
Vrasjen e vëllezërve Gërvalla dhe të Kadri Zekës e ka organizuar SDB dhe e ka realizuar Arkani. Çështjen e përfshirjes të spiunëve në këtë ngjarje, mund ta zbardh Donika Gërvalla si shtetase e BE, duke pas të drejt në qasje të Dosjes Operative të SDB në Zagreb dhe Lubjanë.
Për njoftim, Ibrahim Kelmendi është kundërshtari më i rreptë i imi politik dhe ideologjik”, ka shkruar ai. /Kosovatimes/
