Një ngjarje e rëndë ka ndodhur mbrëmjen e djeshme në Pisa të Italisë, ku ka mbetur i plagosur me armë zjarri një shqiptar.
Mediat vendase bëjnë me dije se ngjarja ka ndodhur mbrëmjen e djeshme rreth orës 20:00 në rrugën e njohur si Cascina në Pisa, ku 35-vjeçari shqiptar u zu në pritë.
Rrethanat e ngjarjes mbeten të paqarta, ndërsa ai mbeti i plagosur me tre plumba.
Policia vendase po heton ngjarjen, ndërsa paraprakisht dyshohet se autori kishte larje hesapesh me shqiptarin.
Autori u zhduk nga vendi i ngjarjes, ndërsa policia po punon për kapjen dhe identifikimin e tij.
