Mediumi britanik BBC i ka kushtuar një artikull të tërë burrave të dhunuar në Kosovë gjatë luftës së fundit, në vitet 1998-1999.
Ky shkrim është shkruar nga BBC në gjuhën serbe, i cili fillon me rrëfimin e njëri prej burrave të dhunuar, të cilit emri dhe identiteti i është ruajtur.
Personi në fjalë në tekst quhet Alban dhe tregon përjetimet dhe historinë e tij.
“Për gati dy dekada, Albani mendonte se ishte i vetmi mashkull që kishte përjetuar dhunë seksuale gjatë luftës në Kosovë. Kur autoritetet e Kosovës miratuan një ligj që mundësoi njohjen zyrtare të të dhunuarve në luftë, ai e kuptoi se nuk ishte i vetëm. Albani (emri i ndryshuar) ishte 17 vjeç kur iku me familjen nga një fshat i Kosovës. U fshehën te të afërmit, por nuk kishte ushqim të mjaftueshëm për të gjithë, kështu që u kthye në shtëpi për të marrë një thes me grurë”.
“Kur ka hyrë në oborr, është ndaluar, siç thotë ai, nga një grup personash me uniforma të policisë serbe. E futën me forcë në shtëpi. ‘Në fillim nuk e kuptoja se çfarë po ndodhte. Ndjeva dhimbje dhe mendova se po më goditnin me thikë pas shpine’, tha Albani, i cili tashmë është 40-vjeç”, shkruhet në hyrje të artikullit.
Ndonëse shkruhet se Albanit edhe tani i dridhet zëri ku flet për këtë çështje, e cila e vërshon në kujtime. E pos, tij në këtë artikull të gjatë përmendet edhe një viktimë tjetër, me emrin Driton(pra emër i ndryshuar”.
Për të thuhet se tani është në moshë 60-vjeçare dhe se për përjetimet e tij të dhunimit ka folur vetëm me gruan e tij.
Rrëfimi i tij nisë me atë se u mbijetoi abuzimeve të shumta seksuale, duke përfshirë përdhunimin në grup në vitin 1999, ndërsa kaloi 30 ditë në paraburgim në Kosovë.
Ai beson se qendra e paraburgimit drejtohej nga një formacion paraushtarak serb. Ndonëse e dinte se kishte edhe burra të tjerë që kishin përjetuar të njëjtën dhunë, për vite me radhë nuk fliste për atë që kishte kaluar me askënd, përveç gruas së tij.
Shkrimi vijon: “Vlerësohet se vetëm gjatë luftës në Kosovë nga 10.000 deri në 20.000 persona kanë përjetuar dhunë seksuale, edhe pse deri më tani nuk ka pasur asnjë hulumtim për të përcaktuar numrin më të saktë. Serbia iu përgjigj aspiratave të Kosovës për pavarësi duke dërguar forca ushtarake dhe paramilitare. Të dyja palët akuzohen për krime lufte, si përdhunimi i civilëve”.
“Në vitin 2018, Kosova miratoi një ligj që u lejonte të mbijetuarve të abuzimit seksual gjatë luftës të merrnin statusin e viktimës civile dhe ndihmë financiare. Ky vendim i inkurajoi Albanin dhe Dritonin të thyejnë heshtjen prej dy dekadash dhe të flasin për një nga tabutë e fundit të luftës.
“Rreth 2000 persona kanë aplikuar dhe 1650 kanë marrë statusin e viktimave civile të luftës deri më tani. Në mesin e tyre janë 84 meshkuj, sipas të dhënave të Komisionit Kosovar për Njohjen dhe Verifikimin e Statusit të Viktimave Civile të Luftës, në të cilat kanë pasur qasje gazetarët e BBC. Qeveria e Kosovës fillimisht caktoi shkurtin 2023 si afat të aplikimit, por më vonë u shty deri në maj 2025”.
