Portugalia është mposhtur nga Gjeorgjia në xhiron e fundit të fazës së grupeve në Euro 2024, por Pepe e ka mbrojtur performancën e Portugalisë deri më tash.
Ai ka folur para ndeshjes së 1/16 të finales të së hënës me Slloveninë.
“Nuk e di nëse keni pasur rastin të shikoni statistikat nga faza e grupeve. Portugalia është një nga skuadrat më të mira për sa i përket statistikave”, ka thënë qendërmbrojtësi veteran i Portos dhe i Portugalisë.
Dyzet e një vjeçari ka theksuar rëndësinë e mbështetjes së tifozëve gjatë gjithë turneut.
“Nga ndeshja e parë deri në atë të fundit, tifozët ishin gjithmonë me ne. Më e rëndësishmja ishte fakti që në ndeshjen e parë, ndaj Çekisë, ne po humbnim dhe tifozët vazhduan të na mbështesnin. Ndoshta ishte besimi që ata kishin që na bëri të kthejmë rezultatin”, ka thënë mbrojtësi veteran.
