URAGANI Beryl, i cili rrafshoi ishujt në bregun lindor të Detit të Karaibeve, do të godasë Xhamajkën brenda pak orësh. Deri më tani, shtatë persona kanë vdekur si pasojë e uraganit në Grenada, Venezuelë dhe St. Vincent dhe Grenadinet.
Është një uragan që pardje mbi Oqeanin Atlantik arriti në kategorinë e pestë, maksimale dhe më pas u dobësua në të katërtën, që konsiderohet “potencialisht katastrofike”. Beryl është gjithashtu uragani më i fortë i këtij lloji i regjistruar ndonjëherë në këtë kohë të vitit.
Qendra Kombëtare e Uraganeve në SHBA tha se “syri” i uraganit do të kalonte pranë ose mbi pjesën jugore të Xhamajkës. Autoritetet xhamajkane thanë se qeveria “bëri gjithçka që mundi për t’u marrë me një uragan të kësaj fuqie”.
Shpejtësia maksimale e erës së uraganit Beryl arrin 270 km/h. Në Xhamajka, ata presin erëra shkatërruese dhe një rritje kërcënuese për jetën e nivelit të detit deri në 2.7 metra.
