Një video shqetësuese që supozohet se tregon Hamasin duke rrahur banorët e Gazës pranë një qendre ndihmash humanitare po përhapet në mediat sociale.
Ata po rrihen sepse vodhën ushqim nga një depo e ndihmave humanitare, tha në rrjetin social X Avichay Adraee, kreu i departamentit të mediave arabe të ushtrisë izraelite (IDF).
Videoja tregon anëtarët e Hamasit duke rrahur civilët e Gazës dhe duke shkruar fjalën “hajdut” në shpinë të tyre me bojë të gjelbër sprej. Në të njëjtën kohë, anëtarët e Hamasit mbajnë maska në kokë që mbulojnë fytyrat e tyre dhe mund të shihen duke goditur civilët e lidhur me shkopinj, ndërsa sytë e tyre janë të mbuluar me leckë.
“Përbindëshat njerëzorë të maskuar janë pjesë e Hamasit dhe viktimat janë të rinj të pafajshëm”
Civilët mund të dëgjohen duke rënkuar dhe duke bërtitur nga dhimbja.
“A e dini kush janë këta burra të maskuar? Kush janë viktimat e tyre? Përbindëshat njerëzorë të maskuar janë pjesë e Hamasit dhe viktimat janë të rinj të pafajshëm,” shkroi Adraee në Platformën X.
Ai shtoi se këta të rinj u përpoqën t’ua kthenin ushqimin që Hamasi u kishte vjedhur dhe këtë e bënë sepse ishin të uritur.
Ai shton se banorët e Gazës prej vitesh janë viktima të terrorizmit dhe të Hamasit.
