Fotot u rishfaqën tani kur Yamal u bë lojtari më i ri ndonjëherë që shënoi në një Kampionat Evropian.
Ato janë bërë për një kalendar bamirësie në vitin 2007, atëherë kur 20-vjeçari Messi – i njohur tani si një nga futbollistët më të mirë të të gjitha kohërave – u çiftua rastësisht me foshnjën Yamal.
Fotografitë u rikthyen nga babai i Yamal, i cili postoi në Instagram me mbishkrimin: “fillimi i dy legjendave”.
Seti fotografik u zhvillua në Camp Nou të Barcelonës në vjeshtën e vitit 2007, kur Yamal ishte vetëm disa muajsh.
Lojtarët e Barcelonës pozuan me fëmijët dhe familjet e tyre, si pjesë e një organizimi vjetor bamirësie nga një gazetë lokale dhe UNICEF.
Joan Monfort, i cili mbikëqyri sesionet fotografike, tha se ndodhi që Messi rastësisht u kombinua me familjen e Yamal. Nëna e Yamal është pranë Messit dhe foshnjës në një nga fotot.
