Inter Milan ka afruar sulmuesin iranian, Mehdi Taremi, ka njoftuar të shtunën skuadra kampione e Serie A.
Iraniani ka nënshkruar një kontratë trivjeçare, që do të thotë se do të jetë pjesë e skuadrës italiane deri në vitin 2027.
Taremi, i cili vjen nga FC Porto si lojtar i lirë, do të jetë lojtari i parë iranian në historinë e klubit italian.
“Serie A është një nga ligat më prestigjioze në botë. Unë do të përpiqem të bëj më të mirën time siç kam bërë gjithmonë deri më tani”, ka thënë Taremi për “Inter TV”, duke shprehur entuziazmin e tij për sfidën e re.
Ky është nënshkrimi i tretë i Interit në këtë afat kalimtar, pas mesfushorit Piotr Zielinski, një tjetër lojtar i lirë, dhe portierit Josep Martinez nga Genoa.
