41 dhoma hoteli për familjen e tij në hotelin me 5 Yje në Viareggio, staf sigurie e ndalim përdorimi celulari për personelin.
Italia e mbylli vitin 2023 me mbi 57.2 milionë turistë e në të dhënat e gjashtë mujorit të parë të 2024, ka shënuar një rritje me 7% me objektivin që ky vit të arrijë të dyfishoj numrin e tyre.
Turizëm historik, kulturor, bregdetar, malor, turizëm kulinar, por dhe turizëm ekstra elitar që ofron jo vetëm territorin, bukurinë e territorit e historinë e tij, por dhe një standard unik që josh klientët më të pasur e ekskluziv.
Viareggio ky lokalitet i pozicionuar në rajonin e Toskanës dhe i njohur më shumë për Karnevalet e tij, në këtë sezon turistik veror ka pritur një vizitor ekskluziv me kërkesa e shërbime nga më të jashtëzakonshmet.
Mbreti saudit Salman, së bashku me familjen e tij, gratë, fëmijët, nipër e mbesa, stafin e sigurisë e stagni e shërbimit personal, ka kaluar 15 ditë pushime në Viareggio të Toskanës.
Mbreti Salman bin Abdulaziz, ka qëndruar në 41 dhoma të zgjedhura nga 80 që ka Grand Hotel Principe di Piemonte, hotel me 5 yje në bregdetin më të bukur të Toskanës, Versilia.
Mbreti Salman bin Abdulaziz, 88 vjec e në fron prej 2015, në këto pushime alla italiana, është shoqëruar nga një repart bodygouard-ësh e ka kërkuar një protokoll të fortë sigurie e privatësie.
Stafi i hotelit ka respektuar kërkesat e tij për mos zotërimin e telefonave e të çdo instrumenti elektronik gjatë shërbimit në tre katet e hotelit e në suitën presidenciale ky ai qëndronte.
Kati i dytë dhe i tretë i hotelit së bashku me katin e fundit ku ishte pozicionuar kuzhina, u vunë në dispozicion të princeshave e fëmijëve. Suita presidenciale në përdorim të mbretit është 150 metra katrorë dhe e mobiluar me produktet më të mira të Made in Italy.
Për nipër e mbesa hoteli ndërtoi enkas një sallë lojërash pranë dhomës së ngrënies e një shef i shumëvlerësuar, Giuseppe Mancini ka gatuar për ta, i kontrolluar nga stafi i sigurisë.
Mbi 300 valixhe kanë shoqëruar pushimet e mbretit saudit mes vështrimeve të habitura të klientëve të tjerë të hotelit që kanë asistuar në momentin e mbërritjes së tij.
Pushimet e mbretit të Arabisë u shoqëruan me shëtitje me kuaj, performanca gatimi të pjatave italiane e teknika përgatitje të akullores tipike tradicionale italiane. Kosto e këtij qëndrimit ekstra luksoz mbetet sekret.