Njohës i sigurisë, Nuredin Ibishi tha se situata e sigurisë në Kosovë është e qetë dhe stabile dhe se nuk ka vend për shqetësim.
Ai në “Info Plus” në RTK shtoi se tendencat e Serbisë janë çdo herë për të krijuar jostabilitet në rajon, veçanërisht ndaj Bosnjë Hercegovinës që ta ndaj republika serbskan.
Sipas tij nuk ka rrezik për ndonjë ndërhyrje klasike ushtarake, por mundësia e luftës hibride, inflirtim të forcave edhe terroriste edhe paramilitare është çdo herë rrezik.
“Mendoj qe kemi forca të bollshme edhe vendore, policinë e Kosovës njësitet speciale, KFOR-in, Forcat e Sigurisë së Kosovës, gjithë prania vendore dhe ndërkombëtare e edhe inteligjenca ka pjesën e vet që të vlerësoj gjendjen e sigurisë për rreziqet dhe kërcënimet e mundshme”, tha Ibishi.
Ai shtoi se Serbia ka pretendime territoriale jo vetëm ndaj Kosovës por ndaj gjithë fqinjëve, “Serbia po shpërfaq botën serbe, hegjemonin e vet”, duke theksuar se kjo është një aventurë e re e Serbisë me stablishmentit të Millosheviqit që po vazhdon.
“Krejt këta janë figura të Millosheviqit, po mundohen nëpërmes kishës ortodokse serbe e cila e ushqen shpirtërisht sistemin, që është e shtytur nga kisha ortodokse ruse , por njëkohësisht edhe një agresor që po rrezikon paqen jo vetëm në rajonin e Evropës por edhe më gjerë, pra Putini tenton që të shkojë përtej Ukrainës e që pjesa më fragjile është pjesa e Ballkanit gjegjësisht pjesa juglindore, Shtetet e Bashkuara të Amerikës janë shumë vigjilente ne bashkëpunim me shtetet evropiane që lufta mos të zgjerohet përtej Ukrainës, kjo është qëllimi kryesor”, tha Ibishi.
