Ish-ylli i Real Madrid, Karim Benzema, ka shprehur bindjen se Vinicius Junior meriton të fitojë “Topin e Artë”.
Francezi ka theksuar brazilianin për kohën që luanin së bashku në ekipin e “Los Blancos”.
“Do të them Vini sepse e meriton për sezonin e tij dhe jo vetëm për atë që bëri këtë vit”, ka shpjeguar Benzema në një intervistë për MARCA. “Edhe në atë të mëparshmin ai u dallua për futbollin e tij dhe për atë që bën me topin. Është një djalë, një futbollist i kompletuar”.
Benzema, i cili ka kaluar disa vite te Real Madrid, ka vlerësuar aftësitë e jashtëzakonshme të Vinicius për të ndryshuar rrjedhën e një ndeshjeje.
“Ai mund të fitojë një ndeshje vetë, padyshim me ndihmën e shokëve të tij, por ai është shumë i mirë kur Real Madridi ka nevojë për të dhe kjo është arsyeja pse unë mendoj se ai e meriton atë trofe”, është shprehur sulmuesi francez. “Ai është gjithmonë i pranishëm. Për të gjitha këto, i preferuari im është Vini”.
