Presidentja Vjosa Osmani ka shprehur përkrahjen e saj për ekipin e Kosovës në Lojërat Olimpike në Paris.
Osmani teksa ka shpërndarë një fotografi me fanella të Kosovës, ka dhënë kurajë për sportistët.
“Përpara Kosovë! Në përkrahje të sportistëve tanë në çdo hap të garave!”, ka shkruar Osmani.
Ekipi i Kosovës në Lojërat Olimpike në xhudo përbëhet nga Distria Krasniqi, Nora Gjakova, Laura Fazliu, Akil Gjakova, Loriana Kuka. Ndërkaq në boks përfaqësohet me Donjeta Sadikun, në atlentikë Gresa Bakraçi dhe në not me Hana Bejiqin e Adell Saboviq. /Kosovatimes/
