Fituesja e medaljes së argjendtë Distria Krasniqi në një intervistë për RTK, është shprehur e lumtur me suksesin e arritur në ‘Paris 2024’.
“Para Tokies ma shumë kam luftuar për të artën, për Paris vetëm një medalje. E kam ditë se nëse shorti është në rregull, përfundojnë medium. Do të isha e gëzuar me secilën medalje, përfundova si e argjendtë dhe jam e lumtur”, tha ajo.
“Kur përfundojnë me Ippon tregon se jam në formë të mirë, e shton vetëbesimin. Në pjesën e dytë të garave nuk kam qenë aq mirë, kam qenë pak e përgjumur. Isha shumë e fokusuar në gjysmëfinale dhe s’prita që finalja të vinte aq shpejtë”.
“Normal kur fiton në gjysmëfinale e dinë që e ke siguruar medaljen, është çlirim i madh sidomos në këto Lojëra Olimpike”, ka pohuar Krasniqi.
Ajo thekson se në ditën e garave është e përqendruar maksimalisht.
“Në ditën e garave jam shumë i fokusuar, sa herë që më shkon mendja tentoj ta harroj, sidomos kur më kujtohet që familja më shikon. Nuk i kam lejuar familjarët të vijnë sepse ma shton presionin dhe ndoshta s’kisha me sjell medalje”.
“Çfarë të thotë Toni? Nuk kam dëshirë me më qëndru mbi kokë, Toni më njeh. Në finale vetëm më ka treguar se si shkon lufta, këto i bëjmë para garave, në ditën e garave gjithçka e kemi të qartë”.
Ajo ka folur edhe për Olimpiadën e ardhshme.
“Olimpiada e radhës? Ka shumë kohë, unë i kam marrë dy medalje, do të vazhdoj me xhudo por nuk do t’i bëj presion vetës për aq gjatë. Nëse gjithçka shkon mirë, atëherë në rregull”, ka përfunduar Krasniqi.
