Sesioni pranveror i Kuvendit të Kosovës është mbyllur me 36 ligje të miratuara, prej të cilave 20 marrëveshje ndërkombëtare. Kështu deklaruan të hënën në një konferencë për media përfaqësuesit e Grupit Parlamentar të Lëvizjes Vetëvendosje, grupi më i madhi në Kuvend, duke e vlerësuar gjithashtu të suksesshëm këtë periudhë të Kuvendit.
“Gjatë sesionit pranveror për vitin 2024, Kuvendi i Republikës së Kosovës ka mbajtur 23 seanca plenare prej të cilave 10 kanë qenë të rregullta, 6 të jashtëzakonshme, 6 solemne dhe një seancë e veçantë. Janë mbajtur 186 mbledhje të komisioneve parlamentare me gjithsej 866 pika të trajtuara”, deklaroi Mimoza Kusari-Lila, shefe e GP të LVV-së.
Më poshtë po i plasojmë të plota ligjet e prezantuara nga GP i LVV-së.
Ligjet e miratuara në vitin 2024 të ndara sipas fushave:
Ligjet e miratuara për Ekonomi dhe Energji
1. Ligji për ndryshimin dhe plotësimin e ligjit për metrologji,
2. Ligji për promovimin e përdorimit të burimeve të ripërtërishme të energjisë
3. Ligji për performancën energjetike të ndërtesave
4. Ligji për aderimin e Republikës së Kosovës në Konventën për Importin e Përkohshëm
5. Ligji për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në programin e Bashkimit Programi i tregut të vetëm
6. Ligji për ratifikimin e Marrëveshjes ndërmjet Qeverisë së Kosovës, të përfaqësuar nga Ministria e Financave, Punës dhe Transfereve dhe Qeverisë së Konfederatës Zvicerane, të përfaqësuar nga Sekretariati Shtetëror për Çështje Ekonomike për Projektin e qëndrueshmërisë klimatike në sektorin e ujërave në Kosovë- Programi legjislativ 2023
7. Ligji për ratifikimin e Marrëveshjes së financimit në mes të Republikës së Kosovës përfaqësuar nga Ministria e Financave, Punës dhe Transfereve, Korporata Energjetike e Kosovës (KEK), dhe KfW, Frankfurt am Main, për programin e energjisë solare I(Solar 4 Kosovo I) fotovoltaik,
8. Ligji për ratifikimin e marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar
9. Ligji për falimentimin Ligjet e miratuara nga fusha e Arsimit, Kulturës,Rinisë dhe Sportit
Ligjet e miratuara nga fushat e Arsimit, Kulturës, Rinisë dhe Sportit
1. Ligji për ratifikimin e Marrëveshjes për njohjen e kualifikimeve profesionale për infermier, kirurg veterinar, farmacist dhe mami në kontekstin e marrëveshjes së tregtisë të lirë të Evropës Qendrore-
2. Ligji për rininë
3. Ligji për sport
Ligjet e miratuara nga fusha e reformës sociale dhe financave
1. Kodi doganor dhe i akcizave
2. Ligji për ratifikimin e Marrëveshjes për sigurime sociale ndërmjet Republikës së Kosovës dhe Mbretërisë së Holandës
3. Ligji për ratifikimin e Marrëveshjes ndërkombëtare, për pjesëmarrjen e Kosovës në programin e Bashkimit Evropian -Evropa digjitale për periudhën 2021-2027 ndërmjet Republikës së Kosovës dhe Bashkimit Evropian
4. Ligji për ratifikimin e Marrëveshjes se kredisë në mes të Republikës së Kosovës përfaqësuar nga Ministria e Financave, Punës dhe Transfereve, dhe Bankës Zhvillimore të Këshillit të Evropës (BZhKE) për projektin –banimi social adekuat
5. Ligji për ratifikimin e amendamentit të marrëveshjes për themelimin e Bankës Evropiane për Rindërtim dhe Zhvillim (“Marrëveshja”) – Neni-1
Ligjet për të drejtat njeriut
1. Ligji për ratifikimin e Marrëveshjes ndërmjet Republikës së Kosovës dhe Bashkimit Evropian mbi pjesëmarrjen e Kosovës në programin e BE-së qytetarët, barazia, të drejtat dhe vlerat
2. Ligji për ratifikimin e Marrëveshjes ndërmjet Republikës së Kosovës dhe Bashkimit Evropian për pjesëmarrjen e Kosovës në programin e Bashkimit
3. Evropian –Drejtësia
4. Ligji për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e Institucionit Korrektues në Gjilan me qëllim të ekzekutimit të dënimeve daneze
5. Ligji për ndryshimin dhe plotësimin e Ligjit nr.06/L-056 për Këshillin Prokurorial të Kosovës
6. Ligji për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me ligjin nr.05/L-031 për procedurën e përgjithshme administrative faza e dytë
7. Ligji për ndryshimin dhe plotësimin e Ligjit nr. 06/L-010 për noterinë, i ndryshuar dhe plotësuar me Ligjin nr. 08/L-149
8. Ligji për shërbimet private të sigurisë
Ligjet e miratuara nga fusha e integrimeve evropiane
1. Ligji për ratifikimin e amendamentimit nr.3 të Marrëveshjes financiare ndërmjet Republikës së Kosovës dhe Bashkimit Evropian për programin IPA 2015
2. Ligji për ratifikimin e -amendamentimit nr.1 të Marrëveshjes financiare ndërmjet Republikës së Kosovës dhe Bashkimit Evropian për Programin IPA 2020
3. Ligji për ratifikimin e amendamentimit nr. 2 të marrëveshjes financiare ndërmjet Republikës së Kosovës dhe Bashkimit Evropian për programin IPA 2016
Ligjet e miratuara nga fusha e sigurisë dhe reformës në administratë
1. Ligji për ratifikimin e Marrëveshjes së financimit në mes të Republikës së Kosovës përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për projektin -Projekti për forcimin e qeverisjes digjitale për ofrimin e shërbimeve
2. Ligji për ratifikimin e Marrëveshjes kornizë ushtarake ndërmjet Qeverisë së Republikës së Kosovës dhe Qeverisë së Republikës së Turqisë
3. Ligji për mbrojtje nga zjarri
4. Ligji për Komisionin e Pavarur të Mediave
Ligjet e miratuara nga fusha e bujqësisë, mjedisit dhe infrastrukturës
1. Ligji për rregullat e trafikut rrugor
2. Ligji për ratifikimin e Marrëveshjes së kredisë në mes të Republikës së Kosovës dhe Bankës Evropiane për Rindërtim dhe Zhvillim për Projektin e trajtimit të ujërave të zeza në Ferizaj
3. Ligji për verëra
4. Ligji për ratifikimin e Marrëveshjes së bashkëfinancimit për hartimin e projektit për ndërtimin e tunelit në rrugën Tetovë-Prizren
“Në Kuvendin e Republikës së Kosovës janë në procedurë të shqyrtimit 43 projektligje. Prej këtyre 28 projektligjeve janë miratuar në shqyrtim të parë ndërsa 15 të tjera presin që të shqyrtohen”, u tha në konferencën e LVV-së.
