Forcat ukrainase kanë marrë nën kontroll të paktën 28 vendbanime në rajonin e Kurskut në Rusi, pasi përparuan deri në 30 kilometra në ditën e shtatë të ofensivës së tyre të befasishme, sipas zyrtarëve rusë.
Më shumë se 120.000 njerëz janë evakuuar nga ky rajon, i cili është gjithashtu shtëpi për mijëra armenë etnikë. Kreu i një shoqate lokale të komunitetit armen, Derenik Koshtoyan, i tha Shërbimit armen të Radios Evropa e Lirë se shumë prej tyre kanë ikur nga zonat përreth për në qytetin kryesor Kursk.
Të tjerë thonë se tani po mendojnë të largohen krejtësisht nga ky rajon.
