Real Madridi në mënyrën më të mirë të mundshme e ka nisur edicionin e ri në futbollin evropian.
Gjiganti spanjoll e ka mposhtur Atalantën, me rezultat 2-0, të mërkurën mbrëma në Varshavë duke fituar trofeun e Superkupës së Evropës.
Pjesëloja e parë mes madrilenëve dhe skuadrës nga Bergamo, ka dhënë një lojë mesatare me një iniciative të lehtë të skuadrës së Realit, megjithatë, 45-minutëshi i parë nuk ka prodhuar asnjë gol.
Mirëpo, në fraksionin e dytë të kësaj sfidë, të besuarit e Carlo Ancelottit u ‘zgjuan’ nga gjumi dhe ia dolën dy herë ta dërgojnë topin në rrjetën kundërshtare.
GOAL valverde gives real Madrid the lead!!
VINICIUS WOW WHAT AN ASSIST#SuperCup #RMAATA pic.twitter.com/vbTuWfRcP4
— Everything futbol (@incontextfutbol) August 14, 2024
Fillimisht Valverde (59’), zhbllokojë ndeshjen duke kaluar Realin në epërsi, ndërsa nëntë minuta më vonë ylli francez Kylian Mbappe dyfishojë avantazhin e skuadrës ‘merenguese’ në 2-0.
Reprezentuesi francez debuton me gol në fanellën e Real Madridit, skuadër të cilës iu bashkua këtë verë nga PSG-ja.
⚽️ Goal: Mbappe | Real Madrid 2-0 Atalanta | ️ bellingham#RMAATL #SuperCup pic.twitter.com/nTAgdg2JCp
— Everything futbol (@incontextfutbol) August 14, 2024
Përfundimisht fituesi i Ligës së Kampionëve triumfon ndaj fituesit të Europa League, duke e nisur me trofe sezonin e ri të garave në Evropë.
***
Mbappe debuton me gol, Reali dyfishon epërsinë ndaj Atalantës
(E plotësuar, 22:29) Ylli francez Kylian Mbappe ka debutuar me gol në fanellën e Real Madridit.
Sulmuesi francez ka shënuar golin e dytë për madrilenët në minutën 68-të për ta ngritur avantazhin e ‘Los Blancos’ në 2-0 ndaj Atalantës.
Real Madrid dhe Atalanta po luajnë në Varshavë në ndeshjen e Superkupës së Evropës.
Shënon Valverde, Reali në epërsi
(E plotësuar 22:20) Vjen goli i parë në Superkupën e Evropës mes Real Madridit dhe Atalantës.
Është Valverde (59’), i cili ka zhbllokuar ndeshjen duke kaluar skuadrën madrilene në epërsi prej 1-0.
Real Madrid dhe Atalanta po luajnë në Varshavë në ndeshjen e Superkupës së Evropës.
