Nënkryetari i Prishtinës, Alban Zogaj, ka njoftuar se projekti “Prishtina Bikes” është afër finalizimit, me testimet e fundit që do të zhvillohen në ditët e ardhshme.
“Pas një pritjeje të gjatë, biçikletat e qytetit do të jenë së shpejti në dispozicion për përdorim nga qytetarët. Ky projekt do të kontribuojë ndjeshëm në përmirësimin e shëndetit dhe pastërtisë së Prishtinës, duke ofruar një alternativë ekologjike për transportin urban”, ka shkruar Zogaj.
Ai ka thënë se, një falënderim i veçantë shkon për Kryetarin e Prishtinës për mbështetjen e kësaj iniciative të shkëlqyer.
“Është koha për të pedaluar drejt një të ardhmeje më të gjelbër!”, ka shkruar Zogaj. /Kosovatimes/
