Hezbollahu sulmoi Izraelin në përgjigje të vrasjes së komandantit të lartë të Hezbollahut Fuad Shukr në një periferi të Bejrutit muajin e kaluar.
Avionët luftarakë izraelitë sulmuan vendet e raketave të Hezbollahut në Libanin jugor, tha ushtria izraelite.
“Përafërsisht 100 avionë luftarakë goditën dhe shkatërruan mijëra raketahedhës të Hezbollahut të vendosura në Libanin jugor,” u njoftua, raporton RSE .
Siç u tha, shumica e raketave u drejtuan “në drejtim të veriut, dhe disa drejt pjesës qendrore të Izraelit”.
Izraeli pretendon se civilët libanezë janë paralajmëruar të largohen nga zonat ku vepron Hezbollah, një grup i mbështetur nga Irani, i listuar si një organizatë terroriste nga Shtetet e Bashkuara të Amerikës (SHBA) dhe Bashkimi Evropian (BE).
