Ministrja e Arsimit, Shkencës, Teknologjisë dhe Inovacionit, Arbëria Nagavci, njofton se viti i ri shkollor 2024/2025 do të nisë të hënën, më 2 shtator.
Në një mesazh drejtuar nxënësve, mësimdhënësve dhe prindërve, Nagavci tha se Ministria ka bërë përgatitjet e duhura në koordinim me komunat për një fillim të mbarë të vitit shkollor.
“Aplikimi për subvencionimin e teksteve dhe materialeve shkollore u hap më 14 gusht në platformën e-Kosova, ku deri tani kanë aplikuar mbi 203,000 prindër ose kujdestarë ligjorë, ndërsa janë subvencionuar 201,120 prej tyre. Procesi i transferimit të mjeteve po vazhdon dhe platforma e aplikimit mbetet e hapur”, ka shkruar ajo.
Nagavci falënderoi mësimdhënësit për përkushtimin e tyre dhe iu uroi të gjithë një vit shkollor të suksesshëm. /Kosovatimes/
