Prokuroria Themelore në Mitrovicë, njofton opinionin se ka ngritur aktakuzë ndaj personit me iniciale L.L., për shkak të dyshimit të bazuar mirë për kryerjen e veprës penale “Kanosja”, nga neni 181 paragrafi 1, të Kodit Penal të Republikës së Kosovës.
I pandehuri L.L., me datë 28 gusht rreth orës 22:00 minuta në Mitrovicë, seriozisht kanos personin me iniciale G.M., – pronar i portalit Veriu.info, duke e kanosur se do t’i shkaktoj ndonjë te keqe, për shkak të publikimit që portali që e drejton i dëmtuari kishte bërë për arrestimin e babit të të pandehurit L.L., e duke i shkruar mesazhe kërcënuese, me çka të dëmtuarit i ka shkaktuar frikë e shqetësim emocional.
Me këto veprime, i pandehuri ka kryer veprën penale e cila i vihet në barrë.
Prokurori i Shtetit, i ka propozuar gjykatës që të pandehurin ta shpallë fajtor për veprën e kryera penale dhe ta dënojë sipas ligjit. /Kosovatimes/
