Emisari i Bashkimit Evropian për dialogun Kosovë-Serbi, Miroslav Lajçak nuk do të bëhet ambasador i Bashkimit Evropian në Zvicër, siç ishte njoftuar muaj më parë.
“Për shkak të zhvillimeve të paparashikuara, ambasadori i caktuar për Zvicër dhe Lihtenshtejn përfundimisht nuk do ta marrë postin në Bernë. Rrjedhimisht, mandati i ambasadorit aktual është zgjatur deri më 31 gusht 2025”, thuhet në njoftimin e Zyrës së BE-së në Zvicër në Twitter.
Due to unforeseen developments, the designated Amb. to & Mr Miroslav Lajčák will finally not take up the post in Bern. Accordingly, the mandate of current Amb. @MavromichalisEU has been extended until 31.08.2025. pic.twitter.com/NZPrv2Lv80
— EU-Delegation Berne (@EUinSwitzerland) September 6, 2024
Në fund të korrikut, Zyra për Shërbimin e Jashtëm të BE-së pati bërë të ditur se Lajçakut i është zgjatur mandati si emisar i dialogut Kosovë-Serbi deri në janar të vitit 2025.
Në prill, ky shërbim pati njoftuar se Lajçaku është kandidat për ambasador të BE-së në Zvicër.
Lajçak ka marrë mandatin si i dërguar special i BE-së për dialogun nga 2 prill i vitit 2020.
