Nga hulumtimet që janë realizuar mund te themi që gjatë sesionit pranveror Kuvendi ka shfaqur mangësitë e zakonshme. Seanca që kanë rezultuar me mungesë të kuorumit, deputetë që kanë munguar duke pamundësuar përfundimin e seancave, mbikëqyrje e ulët dhe pak ligje krahasim me sesionet e kaluara.
Gjatë këtij sesioni janë mbajtur 29 seanca, 10 seanca plenare, 7 vazhdime të seancave, 6 të jashtëzakonshme dhe 6 seanca solemne.
Shqetësuese që për disa javë nuk kanë mbajtur seanca fare, 13 javë nuk kanë organizuar fare seanca.
Për shkak të mungesave të deputetëve shumica e seancave nuk janë përfunduar dhe kjo ka dërguar në vazhdim të seancave dhe grumbullim të pikave të rendit të ditës.
Çdo seancë ka pasur një agjendë të stërngarkuar dhe nuk ka arritur të përfundohet.
Për gjatë sesionit janë miratuar 36 projektligje numër më i ulët se sesioni i kaluar kur ishin miratuar 44 projektligje.
Shprehur në përqindje Kuvendi ka përmbushur agjendën 28 për qind.
Vetëm 3 projektligje, janë të agjendës së qeverisë të vitit 2024, që do të thotë se më pak se 1 për qind e agjendës së qeverisë është përmbushur.
Sipas raportit të KDI-së, ministrat janë përgjigjur shumë pak në pyetjet parlamentare.
KDI rekomandon që kuvendi duhet të bëjë planifikim më të mirëfilltë te seancave duke rritur numrin e tyre dhe duke shmangur javët pa seanca.
KDI kërkon përgjegjshmëri më të madhe nga deputetët e nga ana tjetër të kërkohet llogari ndaj atyre që i shpërfillin seancat, si dhe të rritet transparenca, e të tjera.
