Një kamion cisternë benzine u përmbys dhe shpërtheu sot në Haiti, duke vrarë të paktën 15 persona dhe duke plagosur rëndë 40, thanë zyrtarët.
Kryeministri Gary Connell ka deklaruar shifrat në një postim në rrjetin social X. Spitalet në Haiti janë të pajisura dobët për të trajtuar viktimat me djegie të rënda.
Vendi me 12 milionë banorë po lufton gjithashtu me mungesën e karburantit pasi luftimet e bandave e bëjnë të vështirë importimin e mallrave në vend.
Shpërthimi ndodhi në Miragoan, një qytet me 60 mijë banorë, i cili u godit nga një tërmet i fortë tre vjet më parë.
Në vitin 2021, 75 njerëz vdiqën në qytetin e dytë më të madh të Haitit, Cap Haitien, kur një kamion tjetër me karburant u përmbys dhe shpërtheu.
Disa nga viktimat ishin dëshmitarë okularë të aksidentit, të cilët nxituan drejt kamionit në përpjekje për të mbledhur karburantin e derdhur.
