Fundjava e fundit e verës do të shënojë përmirësim të motit dhe ngritje të temperaturave.
Sipas Institutit Hidrometeorologjik të Kosovës, gjatë ditës së sotme do të mbajë mot me diell dhe pjesërisht i vranët. Temperaturat minimale do të lëvizin ndërmjet 6-9 gradë Celsius, ndërsa maksimalet e ditës parashihen të lëvizin ndërmjet 17-21 gradë Celsius. Do të fryjë erë kryesisht nga drejtimi i verilindjes me shpejtësi 1-3m/s.
Ndërkaq, të dielën parashihet të mbajë mot kryesisht me diell. Vranësira të pakta parashihen në relievin malor. Në këtë ditë të fundit të stinës së verës, temperaturat minimale do të lëvizin ndërmjet 3-6 gradë Celsius, ndërsa maksimalet e ditës parashihen të lëvizin ndërmjet 19-24 gradë Celsius. Do të fryjë erë nga veriperendimi me shpejtësi 1-2m/s.
