Ministria libaneze e Shëndetësisë njoftoi se 100 persona janë vrarë dhe më shumë se 400 janë plagosur që nga mëngjesi i sotëm në sulmet ajrore izraelite në fshatra dhe qytete në Libanin jugor.
Në mesin e viktimave ka fëmijë, gra dhe mjekë, tha Ministria e Shëndetësisë, raporton AP.
Ndërkohë, ushtria izraelite njoftoi se ka goditur 300 objektiva sot në Liban, raporton agjencia amerikane, duke theksuar se ky është një nga sulmet me breshëri më intensive që nga tetori, kur filloi konflikti mes Hamasit palestinez dhe Izraelit, në të cilin Ushtria izraelite përfshiu edhe sulme ndaj Hezbollahut libanez.
