Një burrë në Korenë e Jugut ka rrëfyer se ka vrarë të dashurën e tij dhe duke i çimentuar trupin e saj. Rrëfimi i tij zbardhi rastin e zhdukjes së vajzës, e cila është 16 vjeçe.
Sipas rrëfimit që 50-vjeçari ka dhënë në polici, si pasojë e një debati në banesën e tij në qytetin e Geoje, në jug të vendit, ka goditur vajzën me send te mprehte. Më pas e vendosi trupin e saj në një valixhe që e groposi nën tulla dhe çimento në ballkonin e tij.
Valixhja u gjet nga një punëtor gjatë punimeve të ndërtimit muajin e kaluar. Analiza e gjurmëve të gishtërinjve përcaktoi se ishte një vajzë që ishte raportuar si e zhdukur. Autopsia ka konstatuar se ajo ka ndërruar jetë si pasojë e një goditjeje në kokë me send të mprehtë.
Burri, i quajtur z. A nga policia, nuk jetonte në banesë kur u gjet trupi, por u arrestua pak më pas. Në dëshminë e tij, ai deklaroi se jetonte me vajzën për pesë vjet në një apartament në studio, para se debati të kulmonte në tetor të vitit 2008, kur e goditi me një send të mprehtë në kokë.
Ai e groposi valixhen nën tulla dhe çimento në ballkonin e katit të tretë, ku mund të aksesohet vetëm nga dhoma e gjumit. Policia tha se pas vrasjes ai ka jetuar në banesë edhe tetë vite të tjera dhe më pas në vitin 2016 është arrestuar për lëndë narkotike. Që atëherë, apartamenti ishte bosh dhe pronari e përdorte kryesisht si depo.
Familja raportoi për zhdukjen e gruas, e cila në atë kohë ishte 30 vjeçe, vetëm tre vjet pasi u vra. Dyshohet se prindërit kanë humbur kontaktet me vajzën e tyre dhe kanë ardhur në qytetin e Geoje për ta gjetur atë. Me të mbërritur, u tha se ajo ishte ndarë me z. A dhe ishte larguar nga qyteti.
Çështja 16-vjeçare u zbardh vetëm kur pronari i banesës urdhëroi punime hidroizoluese. Hetimi është duke vazhduar dhe pritet ngritja e aktakuzës për vrasje, raporton BBC.
