Ndryshimet ligjore të fundit për pagën minimale, të përcaktuara nga Vendimi nr. 02/218, që caktojnë pagën minimale prej 350.00€ bruto për muaj pune, kanë sjellë sfida për sektorë të caktuar të biznesit në Kosovë, si kompanitë e sigurimeve fizike dhe ato të pastrimit.
“Këto kompani kanë nënshkruar kontrata me Autoritetet Kontraktuese para hyrjes në fuqi të këtij vendimi, bazuar në pagën e mëparshme prej 170.00€ bruto.
Kjo mospërputhje ka krijuar presion financiar dhe operacional për bizneset, të cilat tani po përballen me vështirësi në përmbushjen e detyrimeve të tyre ligjore dhe kontraktuale”, thuhet në kërkesën e LBK-së.
Lidhja e Bizneseve të Kosovës kërkon që Qeveria dhe Ministria e Financave të ndërhyjnë menjëherë për të ofruar një zgjidhje dhe harmonizim të kontratave me vendimet e reja, duke mbrojtur interesat e të gjitha palëve të përfshira. /Kosovatimes/
