Kryetari i LDK-së, Lumir Abdixhiku, ka nisur ditën dhe javën me një vizitë te mjeshtri i madh i muzikës, Rafet Rudi, kompozitori dhe dirigjenti ikonik, i cili së bashku me zonjën e tij Drita, mësimdhënëse dhe themeluese e korit të fëmijëve “Xixëllonjat”, ndanë kujtimet e tyre mbi ndërtimin e artit dhe kulturës në Kosovë.
Abdixhiku theksoi rëndësinë e veprave të Rudisë, që përfshijnë dhjetëra kompozime orkestrale, qindra shkrime dhe udhëheqjen e iniciativave kulturore.
“Takimi, i mbushur me pasion dhe reflektime mbi nevojat infrastrukturore të kulturës, shërbeu si një mësim i vlefshëm për të ardhmen artistike të vendit”, shkroi Abdixhiku. /Kosovatimes/
