I dërguari i posaçëm i Bashkimit Evropian për dialogun Kosovë – Serbi, Miroslav Lajçak ka thënë se në takimin e sotëm në Bruksel është diskutuar për Marrëveshjen e Ohrit e cila ende nuk ka filluar të zbatohet.
Lajçak ka shkruar në platformën “X” se ka pritur në Bruksel kryenegociatorët e Kosovës dhe Serbisë, zëvendëskryeministrin Bislimi dhe drejtorin Petkoviq.
Ai ka theksuar se mes tjerash është diskutuar për një sërë çështjesh të rëndësishme që rrjedhin nga marrëveshjet e kaluara dhe se palët kanë rëndë dakord për hapat e ardhshëm.
“Prita sot në Bruksel kryenegociatorët e Kosovës dhe Serbisë. Folëm për zbatimin e Marrëveshjes së Ohrit, e cila ende nuk ka filluar të zbatohet. Ne diskutuam gjithashtu një sërë çështjesh të rëndësishme që rrjedhin nga marrëveshjet e kaluara dhe ramë dakord për hapat e ardhshëm”, ka shkruar i dërguari i posaçëm i BE-së, Miroslav Lajçak. /Kosovatimes/
Hosted the Chief negotiators of Kosovo and Serbia in Brussels today. We spoke about the implementation of the Ohrid Agreement, which is yet to start on substance. We also discussed a number of important issues stemming from past agreements and agreed on next steps. pic.twitter.com/ZOpMwjfa1H
— Miroslav Lajčák (@MiroslavLajcak) October 24, 2024
