Kryetari i Lidhjes Demokratike të Kosovës, Lumir Abdixhiku, ka përkujtuar sot figurën e veprimtarit të madh të LDK-së dhe ish-kryetarit të Suharekës, Ukë Bytyçin, në 22-vjetorin e vrasjes së tij.
Abdixhiku vlerësoi kontributin e Bytyçit për çështjen kombëtare duke e cilësuar si një patriot të shquar dhe bashkëpunëtor të ngushtë të Presidentit Ibrahim Rugova.
“Në rrugëtimin e Kosovës për liri, pavarësi dhe demokraci, Bytyçi ishte gjithmonë në front duke mbrojtur pragun e shtëpisë,” u shpreh Abdixhiku, duke nderuar veprën dhe përkushtimin e tij për Suharekën dhe Kosovën.
Ukë Bytyçi mbetet një figurë identifikuese e LDK-së, me vlera të larta njerëzore dhe një frymë të pakompromis në mbrojtje të atdheut. /Kosovatimes/
