Drejtoria e Inspektoratit e komunës së Prishtinës, përmes një njoftimi për media ka bërë të ditur se nën asistimin edhe të Policisë së Kosovës, është duke zhvilluar një aksion kundër taksive ilegal, në pika të ndryshme të kryeqytetit.
Sipas Drejtorisë së Inspektoratit, këta taksist ilegal përveç problemeve të mëdha që po shkaktojnë në mbarëvajtjen e komunikacionit në kryeqytet, paraqesin edhe rrezik potencial për sigurinë e qytetarëve të cilët shfrytëzojnë të njëjtit për qarkullim.
Po ashtu bëhet e ditur se është duke u zhvilluar aksion edhe ndaj kombi-busëve ilegal, që qarkullojnë në kryeqytet.
