Universiteti Azad deklaroi se gruaja vuan nga një “çrregullim mendor” dhe se ajo u transferua në një “spital psikiatrik”.
Një numër iranianësh në mediat sociale e kundërshtuan këtë pretendim, duke i portretizuar veprimet e saj si pjesë e lëvizjes “Gruaja, Jeta, Liria”, në të cilën shumë gra kundërshtojnë publikisht ligjet që u kërkojnë atyre të mbulojnë flokët dhe të veshin veshje të gjera dhe të gjata.Kanali Telegram i Amirkabir Newsletter, i cili e përshkruan veten si “media e lëvizjes studentore të Iranit”, raportoi fillimisht lajmin, duke pretenduar se gruaja kishte një konfrontim me agjentët për mosmbajtjen e shamisë, gjë që çoi në heqjen e saj gjatë një debati.
Dëshmitarët i thanë BBC Persian se një grua hyri në klasën e tyre në Universitetin Azad dhe filloi të filmonte studentët. Kur pedagogu e kundërshtoi, ajo u largua nga dhoma me britma, duke i thënë të pranishmëve: “Kam ardhur të ju shpëtoj”.
Amnesty International bëri thirrje për “lirimin e menjëhershëm dhe pa kushte të studentit që u ndalua me forcë”. Organizata kërkoi që të sigurohet mbrojtja nga tortura dhe format e tjera të keqtrajtimit dhe të mundësohet qasja në familje dhe një avokat.
