Ratcliffe është një nga zgjedhjet e rralla të Trump që nuk ka shkaktuar polemika të tepruara mes republikanëve dhe publikut të gjerë në SHBA.
Megjithatë, ajo që e bën atë veçanërisht interesant, specifik për rajonin e Ballkanit Perëndimor, janë lidhjet e tij me diasporën shqiptare në SHBA.
Ratcliffe është në politikën amerikane, në një mënyrë apo tjetër, që nga viti 2009 dhe një pjesë të asaj kohe e shfrytëzoi për të zhvilluar marrëdhënie të mira me shqiptarët që jetojnë në SHBA.
Drejtori i ardhshëm i CIA-s është mysafir i shpeshtë në evente, organizatorët e të cilave janë pranë autoriteteve në Prishtinë dhe Tiranë, ndërsa në vitin 2016 ishte një nga folësit në një forum të madh ekonomik të diasporës shqiptare në Nju Jork.
Krahas kësaj, Ratcliffe ka marrë pjesë shpesh në takime me zyrtarë të shumtë nga Shqipëria dhe Kosova, si ish-kryeministri i Shqipërisë, Pandeli Majka, dhe ish-ministri i Mbrojtjes i këtij vendi, Fatmir Mediu.
Po ashtu, duhet theksuar se në vitin 2021, ish-kryeministri i Kosovës, Ramush Haradinaj, e ka vlerësuar pozitivisht emërimin e Ratcliffe në pozitën e drejtorit të agjencive të inteligjencës, gjatë mandatit të parë të Trump.”Kosova është me fat që ka SHBA-të në krah dhe në aspektin e sigurisë i takon botës së udhëhequr nga Amerika. Jemi të vendosur të forcojmë partneritetin tashmë të ndërtuar në fushën e sigurisë. Ratcliffe është shumë mirë i informuar për Kosovën dhe i njohur me zhvillimet në rajonin tonë”, kishte shkruar asokohe Haradinaj.
