Samiti i grupit të vendeve të G20 po mbahet në Rio de Zhaneiro të Brazilit dhe përveç konferencave dhe takimeve të shumta, fillimin e ka shënuar edhe një diskutim i pazakontë mes bashkëshortes së presidentit brazilian, Rosangela-Janja Lula da Silva , dhe Elon Musk.
Gjegjësisht, në një konferencë lidhur me rregullimin e rrjeteve sociale dhe dezinformatat, Janja është befasuar nga zhurma e sirenës së një anijeje që vinte nga jashtë dhe e shfrytëzoi këtë rast për të bërë shaka, por edhe për të fyer Elon Musk.
“Mendoj se është Elon Musk. Nuk kam frikë nga ty. Q…, Elon”, tha Da Silva.
@estadao G-20 🗣️ A primeira-dama do Brasil, Rosângela da Silva, a Janja, xingou neste sábado, 16, o mega empresário bilionário Elon Musk. A mulher do presidente Luiz Inácio Lula da Silva hostilizou Musk no Rio, onde participa de atividades relacionadas ao G-20. A reportagem fez contato com a assessoria da presidência para comentar o assunto, mas ainda não teve resposta. elonmusk lula janja politica g20
Për këtë video ka reaguar edhe Musk, i cili fillimisht e ka shpërndarë videon me një emoticon, e më pas në një tjetër koment ka adresuar disa fjalë për presidentin brazilian dhe bashkëshorten e tij.
“Ata do të humbasin zgjedhjet e ardhshme”, tha Musk.
Ndërkohë, Platforma X, rrjeti i mesazheve sociale të Musk, u pezullua më herët në Brazil sepse Musk nuk arriti të emëronte një përfaqësues ligjor në vend dhe injoroi urdhrat e gjykatës për të bllokuar llogaritë që përhapin lajme të rreme.
