Shumë rrugë në kryeqytet janë vërshuar nga të reshurat e borës dhe më pas të shiut, sikundër ndodhi në rrugën Agim Ramdani. Kjo për arsye të bllokimit të pusetave të cilat më dekada po shfaqin problem për shkak të mos mirëmbajtjes.
Tahir Ahmeti, njohës i çështjeve emergjente tha se përsëri dështoi infrastruktura nëntokësore në kryeqytet.
“Reshjet e dendura, kanë përmbytur shumë rrugë në Prishtinë. Institucionet përgjegjëse, duhet që në vazhdimësi të punojnë në përmirësimin e infrastrukturës nëntokësore, në mënyrë që të zvogëlohet mundësia e vërshimeve sa herë kemi reshje më të dendura”, tha ai. /Kosovatimes/
