Sot ka vazhduar dita e dytë e fushatës globale “16 Ditët e Aktivizmit kundër dhunës me bazë gjinore`.
Qendra për Ndihmë Juridike dhe Zhvillim Rajonal (CLARD) dhe Instituti i Kosovës për Drejtësi (IKD) kanë organizuar fushatën vetëdijesuese me mesazhin: “Stop dhunës me bazë gjinore dhe dhunës në familje”.
Arrita Rezniqi, nga Instituti i Kosovës për Drejtësi, tha se qëllimi i këtij organizimi ishte që të ngritet vetëdijesimi mundësin e raportimit të rasteve të trajtimit të tyre dhe të gjitha të drejtave të cilat rrjedhin nga dhuna.
Sipas saj, ky aktivitet për ngritjen e vetëdijes për dhunën në baza gjinore është shumë i rëndësishëm. Rrezniqi tha se viteve të fundit ka rritje të dhunës
“Në kudër të punës në IKD kemi qendrën për ndihmë juridike falas që ofrojmë ndihmë juridike falas për e dhunës në familje dhe dhunës me bazë gjinore dhe në bazë të kësaj kemi vrejtë rritje të dukshme të kërkesës për ndihmë juridike po ashtu në kërkesën tonë për statistika kemi parë çdo herë një rritje të vazhdueshme të viteve të fundit”, tha ajo.
Ajo theksoi se aktiviteti i ka qenë i përkrahur nga Ambasada amerikane në Prishtinë.
