Pasi presidenti i SHBA Joe Biden shfrytëzoi rastin për të falur djalin e tij Hunter, foli edhe presidenti i sapozgjedhur i SHBA-së, Donald Trump, i cili e kritikoi ashpër Biden për këtë veprim.
Në reagimin e parë pas vendimit të Bidenit, Trump shkoi në rrjetin social Truth dhe e krahasoi këtë lëvizje me vendimin në të cilin demonstruesit që morën pjesë në trazirat në Kapitol Hill më 6 janar 2021 u dënuan me disa vite burg.”A i përfshin falja që Joe i dha Hunterit pengjet e J-6 (6 janar op. a.) të cilët tani janë në burg për vite me radhë? Çfarë abuzimi dhe dështimi i drejtësisë!”
Një reagim të ngjashëm ka bërë edhe djali i tij Donald Trump Jr.
“Të gjithë e dinin se ai do ta bënte atë. Ai thjesht donte ta merrte atë vendim kur nuk ishte më një pasojë e mundshme për demokratët,” tha Trump Jr.
Zëdhënësi i Trump, Steven Cheung gjithashtu komentoi lëvizjen e Biden.
“Ai sistem gjyqësor duhet të rregullohet dhe proceset duhet të bëhen të vlefshme. Kjo është pikërisht ajo që do të bëjë Presidenti Trump kur të kthehet në Shtëpinë e Bardhë, me një mandat të madh nga populli amerikan,” përfundoi ai.
