Fytyra e Donatella Versace është objekt diskutimi në rrjete

Për shumë, Donatella Versace është një simbol i operacioneve plastike (dhe e bërë keq), dhe fotoja e fytyrës së saj nga një ngjarje e fundit në Londër tërhoqi vëmendje të veçantë, pasi duket se ajo ka arritur të “zhbëjë” procedurat e këqija kozmetike.

Një foto e Donatellës nga premiera e muzikalit “Djalli vesh Prada” po qarkullon në internet dhe shumëkush ka vënë re një ndryshim të dukshëm në pamjen e saj në krahasim me edicionet e mëparshme.

Dhe ndërsa shumë pyesnin nëse ajo ishte në gjendje të zhbënte procedurat e këqija estetike dhe nëse kirurgu plastik i Nju Jorkut, i cili vlerësohet për transformimet e zonjave të famshme, arriti tek ajo, fotot nga këndvështrime të tjera treguan se ndoshta ishte vetëm Photoshop.

Për këtë shkak edhe vetë Donatella ishte cak i komenteve negative që vërshuan profilin e saj në Instagram.Me kalimin e viteve, fytyra e Donatellës është shndërruar në një fytyrë që është e vështirë për t’u njohur dhe vështirë se dikush e di se si dukej ajo dikur.

Ajo ruante lëkurën e saj të nxirë nga vizitat e shpeshta në dhomë me diell dhe që kur u bë bjonde në vitin 2002, ajo nuk ka hequr dorë nga ngjyra e flokëve. Mirëpo, përveç këtyre ndryshimeve “të padëmshme”, Donatella nuk u dorëzua as përballë procedurave dhe operacioneve estetike.Ajo filloi me ta në vitin 1995 dhe tre vjet më vonë pamja e saj ndryshoi në mënyrë drastike. Në këtë kontribuan jeta e trazuar që ajo bëri dhe varësia ndaj alkoolit dhe drogës, të cilave iu drejtua veçanërisht pas vdekjes së vëllait të saj të dashur.