Presidenti SLLOVAK, Peter Pellegrini beson se paqja në Ukrainë mund të arrihet vetëm përmes kompromisit, duke përfshirë koncesionet territoriale. Pellegrini tha në një intervistë me stacionin televiziv sllovak STVR se Ukraina do të duhet të bëjë lëshime për t’i dhënë fund luftës.
“Kur bëhet fjalë për paqen, unë mendoj se ne duhet të qëndrojmë realistë. Ndoshta asnjë person i arsyeshëm në Evropë sot nuk beson se paqja mund të arrihet pa disa humbje të pjesshme territoriale për Ukrainën,” tha ai. Ai shtoi se qëndrimin e tij e mbështet në analizën e raporteve ditore për gjendjen në front.
Ai gjithashtu i bëri thirrje Ukrainës dhe Rusisë që të fillojnë bisedimet e paqes sa më shpejt të jetë e mundur. Gjatë fushatës së tij presidenciale, Pellegrini mbështeti qëndrimin e kryeministrit Roberto Fico për ndalimin e furnizimit me armë për Ukrainën nga rezervat shtetërore, pavarësisht se më parë kishte mbështetur ndihmën ushtarake për Kievin.
Komentet e Pellegrinit vijnë përpara inaugurimit në janar të presidentit të sapozgjedhur të SHBA, Donald Trump, i cili premtoi të sillte Ukrainën dhe Rusinë në tryezën e bisedimeve.
