Siç u theksua, dyshohet se bomba ishte fshehur në një skuter elektrik që ndodhej pranë hyrjes së objektit nga ku doli Kirillov me shoferin e tij.Siç thanë shërbimet operative për TASS, shpërthimi ndodhi në 2/1 Ryazansky Prospekt. Sipas Baza, mjeti shpërthyes i improvizuar mund të ishte ngjitur në timonin e një skuteri që ishte parkuar në hyrje të një ndërtese banimi. Vala e shpërthimit theu xhamin e shtëpisë nga kati i parë deri në katin e katërt dhe demtoi derën e hyrjes. Janë dëmtuar edhe tre makina aty pranë.
Vlerësimet e para thonë se në skuter ishin fshehur 200 gram tritol dhe se bomba u shpërthye nga një person që ndodhej pranë hyrjes së ndërtesës ku ishte vendosur.
Bomba ka shkaktuar dëme të konsiderueshme edhe në objekt, si dhe në makinën zyrtare para hyrjes.
Pas një hetimi paraprak, policia akuzoi “mercenarët ukrainas” për vdekjen e gjeneralit, megjithëse nuk sqaruan se mbi çfarë baze dolën në këtë përfundim.
Është gjithashtu e rëndësishme të theksohet se Kirillov ishte kreu i ushtrisë ruse për mbrojtjen bërthamore, biologjike dhe kimike, dhe se vetëm një ditë më parë zyrtarët ukrainas e akuzuan Kirillov për përdorimin e armëve kimike në fushën e betejës.
