Unioni i Gazetarëve Elbasan këtë vit festën e fundvitit e organizoi në qytetin e bukur të Cërrikut.
Siç e ka traditë ky Union, veç anëtarësisë, kishte ftuar edhe gazetarë nga Kosova dhe Lugina e Preshevës si dhe drejtuesit e Unionit në Qarqe dhe të UGSH të qendrës në Tiranë.
Të pranishëm ishin dhe kryetari i UGSH, Aleksander Çipa, Ministri i Shtetit për Pushtetin Vendor, Arbian Mazniku, gazetaret analistë Frrok Çupi, Henri Çili, Mentor Kikia, Anila Hoxha, si dhe gazetarët Ilir Krasniqi nga Prishtina dhe Xhenur Iseni nga Lugina e Preshevës etj.
Kryetari i Bashkisë së Cërrikut, Andis Salla, i priti gazetarët që festonin për herë të dytë në këtë qytet dhe i informoi mbi punën e kryer në këtë Bashki si drejtues i saj për dy mandate dhe objektivat e tij për vitet në vazhdim.
Gazetarët e pranishëm, pasi u njohën përmes bisedës informuese i drejtuan pyetje, të cilave kryetari ju përgjigj me korrektësi.
Pas takimit në Bashki gazetarët vijuan festën në Resortin “Ura e Suloves”, ku veç të tjerash shijuan gatimet tradicionale të zonës dhe u argëtuan me këngë dhe valle me motive nga gjithë trevat shqiptare.
