Kryetari i komunës së Prishtinës Përparim Rama, përmes një postimi në Facebook ka paralajmëruar tri projekte, sipas tij, madhore për kryeqytetin.
Tri projekte, siç tha ai, do të realizohen duke filluar nga mbikalimi në Veternik, Rruga A, si dhe unaza e Mesme e kryeqytetit.
“Projekte madhore po vijnë për Prishtinën. Platforma ndërlidhëse për këmbësorë – mbikalimi në Veternik. Rruga A, Unaza e Mesme e Qytetit”, ka shkruar i pari i Prishtinës, Përparim Rama.
“Gjithmonë me fokus në sigurinë e këmbësorëve dhe qasjes së lehtë nëpër kryeqytet. Falënderoj Ministrin Liburn Aliu për bashkëpunimin jemi në koordinim të plotë për projektet tona të përbashkëta”, tha ai. /Kosovatimes/
